Macedonian e-Sport Federation
en-USmk-MK
Language

ПРАВИЛA ЗА НАТПРЕВАРУВАЊЕ ВО МАКЕДОНСКАTA COUNTER-STRIKE ЛИГА

 

Counter-Strike: Global Offensive (CS:GO) е тактичко пукачка видеоигра од прво лице изработена од Valve Corporation и  Hidden Path Entertainment. Секој играч бира дали ќе влезе во тимот на „Терористи“ или „Специјалци“ и пробува да ги комплетира задачите или елиминира противничкиот тим. Играта се одвива во кратки рунди кои завршуваат кога сите играчи од едниот тим се онеспособени, тимската цел е остварена или времето одредено за една рудна истече. Играчите на почетокот од секоја рунда купуваат оружје и опрема со парите добиени базирани на нивните перформанси и остварувања. Со комплетирање на задачите или убивање на противници играчите добиваат пари, додека за негативни акции како убивање на тимски колега или заложник се казнуваат со одземање на пари. По завршување на секоја рудна сите играчи добиваат одредена количина пари, играчите од победничкиот тим добиваат значително повеќе.

 

1.       Режими за играње

Класично (Classic Casual) и Компетитивно (Competitive): најиграните режими во CS:GO, кои вклучуваат „Сценарио со бомба“ и „Сценарио со заложници“.

 - Сценарио со бомба: „Терористите“ мораат да постават Ц4 експлозив на некое од означените места на мапата и да ја штитат додека не се детонира. „Специјалците“ не смеат да дозволат бомбата да експлодира, без разлика дали нема да им дозволат на противниците да ја постават или пак ќе ја деактивираат кога ќе биде поставена. Ако ја деактивираат ќе ја добијат рундата без разлика колку противници се останати активни.

- Сценарио со заложници: „Специјалците“ мораат да ги спасат заложниците од  „Терористи“ и да ги однесат на местото за извлекување. „Терористите“ мораат да ги чуваат заложниците од спасување. Ако било кој од тимовите се обиде или убие заложник ќе биде казнет со одземање на одреден дел од парите.

 

2.       Структура на лигата

Лигата ќе се игра во round-robin формат на Компетитивен (Competitive) режим, односно секој тим ке одигра со сите тимови од лигата по 2 натпревари. Во првиот натпревар мапа бира тим А, во вториот тим Б.

Натпреварите ќе се играат во „подобар од 30 рунди“

Бодување

1 поен за победа

Најдобрите 4 екипи ќе бидат пласирани во финалето на лан квалификациите за интернационалниот е-Спорт турнир кој ќе се одржи во Октомври во Џакарта, Индонезија.

 

3.       Состав на тимовите

Секој тим може да биде составен од максимум 8 играчи, од кои еден e капитен (in-game leader). По започнување на лигата не е дозволено правење на замени. Играчите кои ќе се пријават, треба да имаат минимум 16 години и согласност од родителите за учество доколку не се полнолетни.

 

4.       Поставки на играчот

Надворешни алакти или софтвер за промена на поставките во играта не се дозволени.

 

Препорачани поставки за клиент:

cl_interp 0

cl_interp_ratio 0

rate 128000

cl_cmdrate 128

cl_updaterate 128

cl_allowdownload 1

cl_downloadfilter 0

voice_enable 1

 

5.       Поставки на сервер

Ќе се користат следниве поставки:

mp_startmoney 800

mp_roundtime 1.92

mp_freeztime 15

mp_maxrounds 30

mp_c4timer 40

sv_pausable 1

ammo_grenade_limit_default 1

ammo_grenade_limit_flashbang 2

ammo_grenade_limit_total 4

 

Ако има продолжение:

mp_maxrounds 6

mp_startmoney 10000

 

6.       Избор на мапи

de_dust2

de_mirage

de_cache

de_inferno

de_train

de_overpass

de_cobblestone

 

7.       Загревање / Почеток на натпревар

 

Сите играчи треба на напишат „!ready“ за да почне натпреварот. Имате вкупно 15 минути да ја искористите командата, во спротивно  натпреварот ќе биде прекинат и тимот со најмногу AFK (away from keyboard) играчи ќе загуби службено.

Кога сите играчи ќе се „!ready“ ќе започне „knife round“, односно рудна само со нож. Капитенот на тимот кој ќе победи во „knife round“ треба да избере страна користејќи „!stay /!switch“ команди. Ако капитенот не избере во рок од 1 минута, серверот ќе одлучи по случаен избор.

 

 

8.       За време на натпревар

 

· Прекин

Ако натпреварот принудно се прекине (дисконекција на играч, падне сервер, проблеми со мрежа итн.), Админот може да одлучи да го продолжи од последната рудна изиграна пред прекинот за да им даде фер шанса на двата тима.

 

· Демо

Од играчите се бара да снимаат свое in-game демо. Ако играч се дисконектира од било која причина, по конектирање треба да почне да снима повторно со различно име. За снимање на демо, во вашата конзола треба да напишете record imeNaFajlot.

Демото треба да ги содржи сите рунди кои ги изиграл играчот.

Играчите може да побараат демо од администраторите ако мислат дека противниците мамат.

Само капитените може да бараат демо во рок од 5 минути по завршувањето на натпреварот.

Само тимот кој ќе изгуби може да бара демо. Поразениот тим може да побара само 2 демо снимки.

 

Пауза

Тим може да ја паузира играта на крајот од рундата или за време на „freeze time. Тимот не може да ја паузира играта во тек на рудна, освен ако не е авторизиран од страна на админот. Максимална дозволена пауза е 10 минути. Кога ќе истече времето, тимот нема да може да паузира и натпреварот ќе продолжи.

 

 

9.       Правила и прекршоци

 

Забранети акции во игра

- Било каква форма на надворешна скрипта е забранета.

Користење на багови кои го менуваат принципот на игра е нелегално.

Движење низ ѕидови, подови и кровови е строго забрането.

Поставување на бобма каде не може да се деактивира е нелегално. Ова не вклчува места каде се потребни повеќе играчи за деактивирање.

Boosting со помош на соиграчите генерално е дозволено, но е забрането на места каде текстурите, ѕидовите, подовите стануваат транспарентни.

Flash bugs“ се забранети.

Map swimming“ е нелегално.

Pixelwalking“ е нелегално (стоење на невидливи рабови од мапата).

  

Санкции

Секој тим/играч може да биде предупреден или казнет доколку направи некој од следниве прекршоци:

Одбива да ги следи инструкциите од админот.

Користи надвредлив или вулгарен јазик кон останатите учесници.

Е виновен за неспортско однесување во натпреварот.

Спам

Дозволување на друг играч (не од пријавените 8) да игра на неговиот акаунт.

Користење на друг акаунт кој не е пријавен.

  

10.  Друго

 

Anti-cheat

Сите сервери на кои ќе се игра лигата имаат активирано Anti-Cheat. Ако играч е детектиран од anti_cheat тој ќе биде исфрлен од играта и неговиот профил ќе биде суспендиран. Тимот кој ќе има таков играч ќе биде дисквалификуван од лигата.

 

Замени

- Замени не се дозволени за време на лигата, со оглед на тоа дека секој тим може да има по 8 играчи.

 

Ниеден тим нема да може да направи промена на својот состав за време на траењето на лигата, или додека не ги изиграат сите преостанати натпревари.

 

 

Имиња на тимови / играчи / аватари

Ве молиме да ги внесувате имињата на тимовите соодветно. Имињата или аватарите не треба да содржат било каква навредлива или расистичка содржина. Ако се сретнете со играч/тим кој ги прекршува овие правила ве молиме да ни пратите релевантен доказ (screenshot или слично), со што ќе превземеме соодветни мерки против нив.

 

- Препорачливо е за сите тимови да имаат минимум по 6 Македонски играчи, доколку мислат дека не би можеле со истите 5 играчи да ги изиграат сите напревари, бидејки не се дозволени стандини или резерви кои не се пријавени претходно.

 

- Сите играчи, доколку веќе не се поканети, ќе требаат да влезат во oфицијалната стим група на Македонската Федерација : http://steamcommunity.com/groups/MesfMKD .

 

- Националната Лига ќе има ростер лок што значи дека секој тим нема да смее да смени играч се додека не се изиграат сите напревари во лигата (секој тим што ќе се одлучи да смени играч или да користи туѓ играч за време на лигата ќе биде дисквалификуван  Секој тим ќе има можност  да одложи натпревар само еднаш и за тоа ќе треба благовремено соопштение, односно минимум 3 дена пред да се одржи планираниот натпревар.

 

 

 

*Македонска Е-Спорт Федерација го задржува правото за измена на правилникот

 

ПРАВИЛA ЗА НАТПРЕВАРУВАЊЕ ВО МАКЕДОНСКАTA LOL ЛИГА

 

 

League of legends е бесплатна мултиплеер онлајн видео игра развиена и објавена од страна на Riot Games.

League of Legends се игра во помеѓу два тимови од пет играчи, од кои секоја зазема страна во еден агол на мапата за играње. Тимот може да победи само ако го уништи противничкиот НЕКСУС кој се наоѓа во рамките на спротивната мапа. Секој играч контролира еден од 132 борци "Шампион" ликови кои се одликува со уникатни овластувања и стилови на игра. За време на натпреварот, играчот собира предмети, и искуство поени за нивниот херој во борбата против херои од спротивниот тим.

League of Legends има широко распространета професионална сцена, со тимови од целиот свет кои се натпреваруваат во различни конкурентна лиги и турнири. Најголемиот професионален турнир е познат како League of Legends светски шампионат, кој е хостиран од страна на Riot Games и се одржува секоја година некаде во светот со награден фонд од околу 2 милиони долари. Почнувајќи во 2012 година, Riot Games исто така започнале со одржување на сезонскиот турнир познат како LCS (League of Legends Championship Series), во којшто се натпреваруваат 20 тима, сите снабдени со редовна плата од страна на Riot Games.

Режими/Начини за играње

  • Компетитивно (Competitive):
    • Структура на лигата

Лигата ќе се игра во round-robin формат на Компетитивен (Competitive) режим, односно сите екипи ќе се натпреваруваат меѓусебно 2 натпревари. Во првиот натпревар тим А игра од плавиот тим, а во вториот од страна на црвениот тим .

Бодување

1 поен за победа

Најдобрите 4 екипи ќе бидат пласирани во финалињата на лан квалификациите за интернационалниот е-Спорт турнир кој ќе се одржи во Октомври во Џакарта, Индонезија.

Состав на тимовите

Секој тим е составен од максимум 8 играчи, од кои еден e капитен (in-game leader). По започнување на лигата не е дозволено правење на замени, како и нема да смеат да се користат надворешни замени (само пријавените замени ќе смеат да играат).

Поставки на играчот

Надворешни алакти или софтвер за промена на поставките во играта не се дозволени и ќе биде строго казнувано.

Поставки на сервер

Лобињата ќе бидат креирани автоматски од страна на Battlefy. Секој тим ќе добие tournament code со којшто ќе влезат во самото лоби.

Дозволено е 15 минути доцнење од зададениот термин на мечот. Доколку било кој тим закасни повеќе од 15 минути, тогаш го губи мечот. 2-0

За време на натпревар

Прекин

Ако натпреварот принудно се прекине (дисконекција на играч, падне сервер, проблеми со мрежа итн.), Админот може да одлучи партијата повторно да се одигра со истите шампиони.

Прекин за време на одбирање на шампион Доколку поради било која причина некој од играчите ја напушти играта за време на
одбирање на шампионите, при рекреирање на играта потребно е да се банираат и изберат истите шампиони што биле избрани до тој момент.

Пауза

Секој тим има на право од 15 минути пауза. Доколку некој од тимовите го потроши предвиденото време, истиот нема да има право за понатамошни паузи.

Правила и прекршоци

Санкции

Играч може да биде предупреден или казнет доколку направи некој од следниве прекршоци:

- Одбива да ги следи инструкциите од админот.

- Користи надвредлив или вулгарен јазик кон останатите учесници.

- Е виновен за неспортско однесување во натпреварот.

- Спам

- Дозволување на друг играч (не од пријавените 8) да игра на неговиот акаунт.

- Користење на друг акаунт кој не е пријавен.

- Друго

Замени

Замени не се дозволени за време на лигата, со оглед на тоа дека секој тим може да има по 8 играчи.

Имиња на тимови / играчи

Ве молиме да ги внесувате имињата на тимовите соодветно. Имињата не треба да содржат било каква навредлива или расистичка содржина.

Ниеден тим нема да може да направи промена на својот состав за време на траењето на лигата, или додека не ги изиграат сите преостанати натпревари.

Доколку било кој тим има повеќе од 3 службено изгубени натпревари (дали закасниле, предале или слично) тогаш тие ќе добијат бан за следната сезона на Македонската ЛоЛ национална лига.

 

 *Македонска Е-Спорт Федерација го задржува правото за измена на правилникот

 

 

ПРАВИЛA ЗА НАТПРЕВАРУВАЊЕ ВО МАКЕДОНСКАTA HEARTHSTONE ЛИГА

Декови:

  • Пред да започне лигата СИТЕ играчи мора да внесат 4 дек листи од 4 различни класи преку on-line google document формата.

  • Не смее да се има 2 дека од иста класа

  • Кога противникот ќе ве праша со кои класи играте, мора да му одговорите соодветно и да одберете со која класа не смее да игра против вас, односно да му банирате една класа

  • Секој играч мора да победи со сите класи по еднаш за да биде прогласен за победник, доколку победи со една класа, не смее повторно истата да ја одбере

  • Играчот што ќе загуби партија со една класа, смее повторно да ја одбере се додека не победи со таа класа

  • Не смее користење на карти различни од оние напишани на дек листите

Правила околу лигата:

  • Натпреварите ќе се играат во Conquest Format-от, односно Best of 5

  • Кој прв стигне до 3 победи, тој е победник на натпреварот

  • Пред започнување на натпреварот, потребно е да се испратат принтскринови од избраните класи и бан класа,како и од lobby -friendly challenge и веднаш по завршувањето на натпреварот принтскрин од резултатот

  • Секој играч ќе има шанса да го презакаже својот натпревар по еднаш од коло и да се договори со својот противник да го изигра најдоцна до денот пред следното коло (вклучувајќи го и тој ден).

  • Ако партија заврши нерешено ( на пример со Hellfire двајцата одеднаш да изгубите ) , се важи како победа за двајцата со тие декови.

  • Ако еден од играчите се сомнева дека неговиот противник има менувано карти стриктно за против него, може да го пријави кај некој од админите со соодветен скриншот

  • Админите се тие што го даваат последниот збор

  • Играчите имаат време од 15минути по регуларното време да се појават, доколку не се појават ни за да се договорат со противникот, се рачуна како пораз од 3-0

  • За победен меч играч добива 2 поени на табелата без разлика дали победил со 3-2, 3-1 или 3-0

  • За пораз, играчот добива 0 поени на табелата без разлика дали изгубил со 3-0, 3-1 или 3-2

  • Во случај на нерешено, на пример 3-3 (ако е 2-2 и направат Double Defeat) играчите добиваат по 1 поен на табелата.

  • Дозволено е сами да си ги стримате партиите, но тоа е на ваш ризик

 


ПРОЦЕДУРА за пријавување во ЦЕНТРАЛЕН РЕГИСТАР

Македонската е-Спорт Федерација активно ќе учествува и ќе им помогне на сите новоформирани клубови во изготвувањето на документите за Централен Регистар.

За основање на здружение потребно е да има 5 основачи од кои треба 3 се управен одбор и 2 надзорен одбор. Еден од тие 5 ќе биде назначен за претседател и двајца се оверувачи на записникот кој ќе се води и во кој треба да се наведе дневен ред .

Доколку основачите се помлади од 18 години, потребно е да се достави и изјава од законски старател (родител) за согалсност за основање на здружение за е-спорт натпревари.

Потребно е да се изготви програма за дејствување на здружението,(учество на е-спорт натпревари) и да се наведе во актот и статутот на здружението кои ќе бидат целите и задачите на здружението. За овие документи ќе се погрижи МеСФ, во интерес на поедноставување на процесот.

Следен чекор е избор на назив на здружението, во кој ќе се наведе на што упатува работата на здружението. На пример Здружение за развој на е-спорт КРЕАТИВА Скопје.

Потребно е да се достават лични карти на сите 5 основачи,

По подготовка на сите документи, се врши уплата од 2452,00 денари на Централен регистар на некој од сметките , за да може да се подготвиме потребните документи кои потоа ќе ви бидат доставени на потпис . ( доколку во називот се користи зборот МАКЕДОНИЈА или СКОПЈЕ ќе ни треба дополнително ,посебна дозвола )

Terms Of UsePrivacy StatementCopyright 2017 by SoftAGE DOOEL Skopje
Back To Top