Macedonian e-Sport Federation
en-USmk-MK
Language

Играчите на KT Rolster се дел од зимската Oлимписка штафета за 2018 година

Играчите на KT Rolster се дел од зимската Oлимписка штафета за 2018 година
Saso
/ Categories: MeSF News

Играчите на KT Rolster се дел од зимската Oлимписка штафета за 2018 година

Поминаа празниците, конечно гејмерите во нашата држава ќе можат онака како што треба, на мир, да си го искористат зимскиот распуст (барем повеќето, за останатите распустот и онака е само далечна меморија) во припрема за новите сезони кој ги чекаат на своите најомилени игри. Со новите сезони ни доаѓа и нова сезона на МеСФ каде се крчкаат интересни постови, гивавејови, натпревари, квалификации и мал милион поголеми и помали работи кои нашиот тим ги подготви за нашите читатели. Оваа година почнуваме со убава и позитивна вест која ни доаѓа од областа на Олимпијадата и е значаен чекор напред во темелењето на еСпортот како олимписка дисциплина и како спорт воопшто.

Играчите за League of Legends од редовите не KT Rolster ќе бидат првите гејмери или членови на тим од областа на еСпортот кои ќе ја имаат честа да бидат дел од штафетата на зимската Олимпијада 2018 која ќе се случи на 15. јануари оваа година.

Петмината играчи на KT Rolster ќе го држат олимпискиот факел некои три минути од играч односно вкупно 15 минути од 13:04 до 13:19 часот по локално време. Сите пет играча ќе трчаат низ улиците на Сеул кои ќе се со огромна посетеност.

Еспортот, како што знаеме сите е многу популарен во Јужна Кореа, и вклучувањето на некои од професионалните играчи во оваа церемонија е доста важно за етаблирањето на еСпортот како дел од Олимпијадата.

KT Rolster ја задржа листата на играчи за 2018 сезоната што ја имаше за време на, за нив, разoчарувачкиот Summer Split 2017. Тимот не успеава да се квалификува за World Championship веќе втора година по ред, губејќи од Samsung Galaxy на LCK Regional Finals.

Сепак Ролстерите успеаа да се вратат во форма до крајот на годината победувајќи ги Longzhu Gaming во финалињата на KeSPA Cup освојувајќи ја својата прва титула како тим.

Зимската Олимпијада 2018 ќе се оддржи во Пјонгчанг, Јужна Кореја почнувајќи од 9. февруари па со до 25. месецот, зближувајќи ги нациите ширум целиот свет каде ќе се натпреваруваат во зимските спортови како хокеј, сноубординг и скијање.

Ова не е прв пат еСпортот да соработува заедно со Олимпијадата. Intel формираше партнерство со Интернационалниот Олимписки Комитет (ОИК) во ноември 2017 година за да го оддржи Intel Extreme Masters натпреварот кој беше увертира за овогодинешната Зимска Олимпијада. На IEM PyeongChang ќе има мечеви во StarCraft II кои се закажани од 5. до 7. февруари годинава.

Print
150

Name:
Email:
Subject:
Message:
x
Terms Of UsePrivacy StatementCopyright 2018 by SoftAGE DOOEL Skopje
Back To Top